Ajeeb shakhs tha har ik say pyar mangta tha,

Ajeeb shakhs tha har ik say pyar mangta tha,
Jahan na dard ho aisa dyar mangta tha,

Jo mangta tha wo dena meri bisaat na thi,
Wo meri rooh ka mujh se qarar mangta tha,

Usay talab thi koi toot kar usay chahay,
Wo hath jor kay ulfat ka izhaar mangta tha,

Mere khaloos pay shayad tha shak usay,
Wafa ki rah mein wo aitbaar mangta tha…

——————-
Collection of Best Ghazals by ZAText.Com

Aks-e-Khushbu hun

~*~Parvin Shakir~*~

Aks-e-Khushbu hun, bikharne say na rokay koi,
Aur Bikhar jaon tou mujh ko na smaitay koi,

Kanp uthti hun ye soch k tanhai mein,
Mere chehray pe tera naam na parh le koi,

Jis tarha khawab mere ho gaye reza reza,
Is tarha se na kabhi toot k bikhray koi,

Main tou us din se hirasaan hun jab kukm milay,
Khushk phoolon ko kitabon mein na rakhay koi,

Ab tou is rah se wo shakhs guzarta bhi nhi,
Ab kis umeed se darwazay se jhankay koi…….

——————–
Collection of Best Ghazals from ZAText.Com